Dawladda Djibouti oo 6 Milyan oo lacagta Eruga ah ka Helaysa wadamada reer Yurub

Jabuti- (XeerNews24)

Safiirka wadamada Midiowga Yurub u fadhiya dalka Jabuti Adam Colach ayaa  sheegay in Saddexda Sano ee soo socota  ay Dowladda Jabuti siin doonaan lacag dhan 6 milyan oo Ero  si ay wax uga qabato  ka gacacsiga sharci darada ah ee dadka iyo tahriibka intaba.

Sida ay sheegtay Wakaaladda Wararka ee Jabuti waxay ay talaabadan ka tarjumaysa  hirgelinta heshiis  ay hore magalada Khartuum  ee dalka Sudaan ay ugu gaareen wadamada Geeska Afrika iyo dalalka kale ee  ku bahoobay Midawga Yurub  kaasoo  la xidhiidhay ka hortagga ka ganacsiga dadka iyo tahriibka sharci darada ah oo ay dad badan ku dhamaadeen Badaha.

Sidoo kale Qorshahan ay wadamada Yurub ku maalgelinayaan la dagaalka tahriibka iyo ka ganacsiga dadka sharci darada ah ayaa waxa u ka tarjumayaa  dhaqangelinta heshiis  kale oo magaalada ROMA  lagu gaadhay Sanadkii 2014 kii. ee isla arrintan khuseeye.

Dawladda jabuuti ayaa waxa ay bishii tagtay  ee Oktoobar qabatay shir looga hadlayay wax ka qabashada qulqulka tahriibka   iyo ka ganacsiga dadka ee sahrci darada ah .