Xildhibaan Cabdi Xaashi oo loo doortay gudoomiyaha Aqalka Sare.

 

Xildhibaan Cabdi xaashi Cabdullaahi ayaa ku guuleystay doorashada gudoomiyaha Aqalka sare ee Soomaaliya.

Xildhibaanada codeeyay ayaa 52-xubnood ahaa. Xildhibaan cabdi xaashi wuxuu helay 43 ka mid ah codadkii la dhiibtay, halka xildhibaanka la tartamaayay ee Mustaf Qodax na uu helay sagaal cod oo keli ah.

Cabdi xaashi waxaa kursiga kula loolamay Mustaf Qodax
 Cabdi xaashi waxaa kursiga kula loolamay Mustaf Qodax

Codeynta oo saaka dhacday waxaa lagu qabtay xarunta Aqalka sare ee Soomaaliya ee magaalada muqdisho.

Mid ka mid ah xildhibaanada oo codeynaaya, waxaa gadaal ka muuqdo Ra'iisul wasaare Cumar cabdirashiid
 Mid ka mid ah xildhibaanada oo codeynaaya, waxaa gadaal ka muuqdo Ra’iisul wasaare Cumar cabdirashiid

Waxaa loo gudbayaa dhowaan in la doorto gudoomiye ku xigeenada Aqalka Sare.

Doorashada inteysan billaaban sanetarro cusub ayaa goobta lagu dhaariyay
 Doorashada inteysan billaaban sanetarro cusub ayaa goobta lagu dhaariyay

Muqdisho dhowaan waxaa lagu qabtay doorashada gudoomiyaha golaha shacabka iyo ku xigeenadiisa.

Marka ay soo gaba gaboobaan doorashooyiinkan waxaa la filayaa in loo gudbo midda Madaxweynaha oo musharrixiin badan ay u tartamayaan.

Xarunta cusub ee Aqalka Sare ee sida ku meel gaarka ah uga howlgaali doonaan
 Xarunta cusub ee Aqalka Sare ee sida ku meel gaarka ah uga howlgaali doonaan

Xarunta Aqalka Sare ee cusub ayaa ah dhismo dhowaan la dhisay oo loogu talagalay in gabdhaha ay ku bartaan farsamada Gacanta.

Balse, Halkan waxay fariisin u noqon doontaa golaha Sanetka ee Soomaaliya si ku meel gaar ah, waxayna ka guuri doonaan marka meel loo dhiso.