Kulankii shalay ee Urur Goboleedka IGAD ee magaalada Addis Abbaba lagu qabtay ayaa go’aamadii lagu gaadhay waxaa ka mid ah in laba ergey oo cusub loo kala magacaabo wadamadda Soomaaliya iyo Koonfurta Suudaan.

Wakiilka cusub u soo magacaabatay Soomaaliya sida lagu xusay Warmurtiyeedkii kasoo baxay ururkaasi ayaa ah Dr Maxamed Cali Guyo, waxaana uu xilkaas kala wareegay Maxamed Cabdi Afeey.

Magacaabista ayaa timid ka dib markii Hay’adda Qaramada Midoobey u qaabilsan Qaxootiga Wakiilkii u qaabilsan IGAD Soomaaliya Maxamed Cabdi Afey ay u magacowday wakiilkeeda arrimaha Qaxootiga Soomaaliya.

Dhinaca kale waxaa waddamada IGAD ay ergay gaar ah u magacaabeen arimaha dalka Suudaanta Koonfureed, waxaana ergayga cusub lagu magacaabaa Dr,Ismaaciil Wacays. Ergayga cusub ayaa hadda ka hor ahaa La-taliyaha Arrimaha Dhaqaalaha ee Madaxweynaha Jabuuti Ismaaciil Cumar Geelle.