Rabshado xoogan oo ay sameenayaan taageerayaasha Mucaaradka dalka Kenya ayaa xiligan ka socda qeybo kamid ah dalkaasi, gaar ahaan goobaha ay mucaaradka ku xoog badan yihiin.

Magaalooyinka rabshadaha ka socdaan waxaa kamid ah magaalada ay ku xoogan yihiin Mucaaradka ee Kisumu, waxaana magaaladaasi lasoo sheegayaa in aysan wax doorasho ah ka dhicin.

Qeybo kamid ah magaaladaasi ayaa laga maqlayaa rasaas ay ridayaan ciidamada amaanka, waxaana rasaasta qaarkood haleeshay qaar kamid ah dadka banaan baxa dhigaya.

Waxaa sidoo kale banaan baxyada ka socdaan magaalada Nairobi qeybo kamid ah iyo goobo kale oo ku xoog badan yihiin taageerayaasha Xisbiga Mucaaradka dalka Kenya.

Cabsi badan ayaa ka jirta qeybo kamid ah dalka Kenya, waxaana dadku ka cabsi qabaan in rabshadaha socda ay sii xoogeestaan, iyadoona wadooyinka qaar lagu arkayo dad baangado wata oo wadooyinka dab ku shidaya.

Waxii Warar ah ee kusoo kordha rabsahan kala soco Wararkayaga dambe Insha Allah