Maxaa kasoo baxay kulankii uu Dr.Abiy Axmed la yeeshay Shide iyo Cagjar?

Ra’isal wasaaraha Dalka Itoobiya Dr. Abiye Axmed ayaa maanta Magaalada Adis ababa kula kulmay madaxda ugu sarreysa ismaamulka Soomaalida ee Soomaali State.

Kulanka Ra’isal wasaaraha iyo labada Nin ee isku khilaafsan hab maamulka Dowlad Degaanka Soomaalida ayaa waxaa lagu sheegay in uu is afgarad iyo Is fahan ku soo dhamaaday.

Warkooban oo lagu qoray Bogga Twitter-ka ee Ra’isalwasaaraha Itoobiya ayaa lagu sheegay in Mustafe Cagjar iyo Axmed Shidde ku heshiiyeen sii wada shaqeynta iyo in laga shaqeeyo horumarinta Maamulka Soomaalida.

Todobaadyadii la soo dhaafay Ismaamulka Somalida waxaa ka jiray khilaaf u dhaxeeyay Wasiirka Maaliyadda Itoobiya Axmed Shidde oo sidoo kale ah Guddoomiyaha Xisbiga Dimuqraadiga Shacbiga Soomaalida iyo Madaxweynaha Ismaamulak Mustafe Cumar Cagjar.

Afar ka mid ah xubnaha cusub ee Ismaamulka Soomaalida Itoobiya ayaa xilka qaadis lagu sameeyay kaddib markii lagu eedeeyay in ay khilaaf ka dhex wadaan maamulka sidoo kalena xdhiidh dhow la leeyihiin Madaxweynihii hore ee Ismaamulka Cabdi Maxamuud Cumar(Cabdi Iley)